കുടുംബശ്രീ മുഖാന്തിരം അക്കൗണ്ടന്റ് നിയമനം|സി-മെറ്റ് കോളേജ് ഓഫ് നഴ്സിങില് ഡ്രൈവര് നിയമനം
ദേശീയ ഗ്രാമീണ ഉപജീവന മിഷന് കുടുംബശ്രീ മുഖാന്തിരം അരീക്കോട് ബ്ലോക്കില് നടപ്പിലാക്കുന്ന എസ്.വി.ഇ.പി പദ്ധതയിലേക്കായി ദിവസ വേതന അടിസ്ഥാനത്തില് അക്കൗണ്ടന്റിന്റെ താത്കാലിക നിയമനത്തിന് അരീക്കോട് ബ്ലോക്കിലെ എട്ട് ഗ്രാമപഞ്ചായത്തുകളില് സ്ഥിരതാമസക്കാരായ കുടുംബശ്രീ അംഗമോ, കുടുംബാംഗമോ, ഓക്സിലറി ഗ്രൂപ്പ് അംഗമോ ആയ ബി.കോം വിദ്യാഭ്യാസ യോഗ്യതയുള്ള ടാലിയും കംപ്യൂട്ടര് പരിജ്ഞാനവുമുള്ള 20നും 35നും മധ്യേ പ്രായമുള്ളവരില് നിന്നും അപേക്ഷ ക്ഷണിച്ചു.
യുവതികള്ക്കും മലയാളം ഡി.ടി.പി. അറിയുന്നവര്ക്കും അക്കൗണ്ടിങ് മേഖലയില് പ്രവൃത്തി പരിചയം ഉള്ളവര്ക്കും മുന്ഗണനയുണ്ട്. 2026 ഫെബ്രുവരി ഒന്നിന് 35 വയസ്സ് കവിയാത്ത ഉദ്യോഗാര്ഥികള് ബയോഡാറ്റയും വയസ്സും വിദ്യാഭ്യാസ യോഗ്യതയും തെളിയിക്കുന്ന സ്വയം സാക്ഷ്യപ്പെടുത്തിയ സര്ട്ടിഫിക്കറ്റുകള് സഹിതം അരീക്കോട് ബ്ലോക്കിലെ ഗ്രാമ പഞ്ചായത്തുകളിലെ കുടുംബശ്രീ സി.ഡി.എസ് ഓഫീസില് ഫെബ്രുവരി 18ന് വൈകുന്നേരം അഞ്ചിനകം അപേക്ഷിക്കണം ഫോണ്- 0483 2733470.
സി-മെറ്റ് കോളേജ് ഓഫ് നഴ്സിങില് ഡ്രൈവര് നിയമനം
സ്റ്റേറ്റ് ഇന്സ്റ്റിറ്റ്യൂട്ട് ഓഫ് മെഡിക്കല് എഡ്യൂക്കേഷന് ആന്ഡ് ടെക്നോളജിയുടെ കീഴിലുള്ള താനൂരിലെ സി-മെറ്റ് കോളേജ് ഓഫ് നഴ്സിങില് ദിവസ വേതനാടിസ്ഥാനത്തില് ഡ്രൈവര് തസ്തികയില് നിയമനം നടത്തുന്നതിനുള്ള അഭിമുഖം ഫെബ്രുവരി 20ന് രാവിലെ 10.30ന് കോളേജില് വെച്ച് നടക്കും.
10-ാം ക്ലാസ് പാസ്, ഹെവി വെഹിക്കിള് ലൈസന്സ്, 10 വര്ഷത്തില് കുറയാത്ത പ്രവൃത്തി പരിചയം (ഇതില് അഞ്ചു വര്ഷം ഹെവി വെഹിക്കിള് ആയിരിക്കണം) എന്നീ യോഗ്യതയുള്ള 40 വയസ്സ് കവിയാത്തവര്ക്ക് അപേക്ഷിക്കാം.
ബയോഡാറ്റയും വയസ്സും യോഗ്യതയും തെളിയിക്കുന്ന അപേക്ഷ രേഖകള് സഹിതം ഫെബ്രുവരി ഒന്പതിനകം പ്രിന്സിപ്പല്, സിമെറ്റ് കോളേജ് ഓഫ് നഴ്സിങ്, താനൂര്.ജി.എച്ച്.എസ്.എസ് ചെറിയമുണ്ടം ക്യാംപസ്, തലക്കടത്തൂര് (പി.ഒ) പിന്-676103 എന്ന വിലാസത്തില് ലഭിക്കണം. ഫോണ്-0494 2580048