കേരള പൊലിസിൽ അഡ്മിന്‍ അസിസ്റ്റന്റ്; തുടക്ക ശമ്പളം അരലക്ഷം; കേരള പി എസ് സി സ്പെഷ്യൽ റിക്രൂട്ട്മെന്റ്
കേരള പൊലിസിന് ഡിപ്പാർട്ട്‌മെന്റിന് കീഴിൽ എസ്.സി, എസ്.ടി വിഭാഗക്കാർക്കായി സ്പെഷ്യൽ റിക്രൂട്ട്മെന്റ് നടക്കുന്നു. അഡ്മിനിസ്‌ട്രേറ്റീവ് അസിസ്റ്റന്റ് തസ്തികയിലേക്കാണ് പുതിയ നിയമനം. താൽപര്യമുള്ളവർക്ക് കേരള പിഎസ്‌സി വെബ്‌സൈറ്റ് സന്ദർശിച്ച് ഓൺലൈനായി അപേക്ഷിക്കാം.
അവസാന തീയതി: ഒക്ടോബർ 03
തസ്തികയും ഒഴിവുകളും
കേരള പൊലിസ് വകുപ്പിൽ അഡ്മിനിസ്‌ട്രേറ്റീവ് അസിസ്റ്റന്റ്. എസ്.സി, എസ്.ടി വിഭാഗക്കാർക്ക് മാത്രമായുള്ള സ്പെഷ്യൽ റിക്രൂട്ട്മെന്റ്.
കാറ്റഗറി നമ്പർ : 293/2025
ശമ്പളം
തെരഞ്ഞെടുക്കപ്പെടുന്നവർക്ക് പ്രതിമാസം 59,300 രൂപമുതൽ 1,20,900 രൂപവരെ ശമ്പളം ലഭിക്കും.
പ്രായപരിധി
25 വയസ് മുതൽ 41 വയസ് വരെ പ്രായമുള്ളവർക്ക് അപേക്ഷിക്കാം. ഉദ്യോഗാർത്ഥികൾ 02.01.1984 നും 01.01.2000 നുമിടയിൽ ജനിച്ചവരായിരിക്കണം. (രണ്ട് തീയതികളും ഉൾപ്പെടെ).
നിശ്ചിത പ്രായപരിധിയിലുള്ള യോഗ്യരായ ഉദ്യോഗാർത്ഥികളുടെ അഭാവത്തിൽ ഉയർന്ന പ്രായപരിധിയിൽ 50 വയസ്സുവരെ ഇളവ് അനുവദിക്കുന്നതാണ്. എന്നാൽ യാതൊരു കാരണവശാലും 50 വയസ്സ് കവിയാൻ പാടില്ല.
യോഗ്യത
യു.ജി.സി അംഗീകൃത സർവ്വകലാശാലയിൽ നിന്നോ കേന്ദ്രസർക്കാർ സ്ഥാപിത നാഷണൽ ഇൻസ്റ്റിറ്റ്യൂട്ടിൽ നിന്നോ കേരള സർക്കാർ സ്ഥാപിത ഇൻസ്റ്റിറ്റ്യൂട്ടിൽ നിന്നോ നേടിയ ബിരുദം അല്ലെങ്കിൽ തത്തുല്യ യോഗ്യത.
പരിശീലനം: ഈ തസ്തികയിലേക്ക് നിയമിക്കപ്പെടുന്ന ഓരോ വ്യക്തിയും ആറ് മാസത്തേക്ക് ഐ എം ജിയിൽ ഇൻ-സർവീസ് പരിശീലനത്തിനും, ബാക്കി ആറ് മാസം സംസ്ഥാന പോലീസ് മേധാവി തീരുമാനിക്കുന്ന ഒരു സ്ഥാപനത്തിൽ പരിശീലനത്തിനും വിധേയമാകേണ്ടതാണ്. പരിശീലന കാലയളവിൽ, ഉദ്യോഗാർത്ഥിക്ക് തസ്തികയോടൊപ്പം ചേർത്തിട്ടുള്ള ഏറ്റവും കുറഞ്ഞ ശമ്പള സ്‌കെ യിലും അലവൻസുകളും നൽകും. പരിശീലന
കാലയളവ് പ്രൊബേഷനായി കണക്കാക്കും.
അപേക്ഷിക്കേണ്ട വിധം
ഉദ്യോഗാർത്ഥികൾ കേരള പബ്ലിക് സർവ്വീസ് കമ്മീഷന്റെ ഔദ്യോഗിക വെബ്സൈറ്റായ www.keralapsc.gov.in വഴി 'ഒറ്റത്തവണ രജിസ്ട്രേഷൻ' പ്രകാരം രജിസ്റ്റർ ചെയ്ത ശേഷമാണ് അപേക്ഷിക്കേണ്ടത്. രജിസ്റ്റർ ചെയ്തിട്ടുള്ള ഉദ്യോഗാർത്ഥികൾ അവരുടെ user ID യും password ഉം ഉപയോഗിച്ച് login ചെയ്ത ശേഷം സ്വന്തം profile ലൂടെ അപേക്ഷിക്കേണ്ടതാണ്. ഓരോ തസ്തികയ്ക്ക് അപേക്ഷിക്കുമ്പോഴും പ്രസ്തുത തസ്തികയോടൊപ്പം കാണുന്ന Notification Link-ലെ Apply Now -ൽ മാത്രം click ചെയ്യേണ്ടതാണ്. അപേക്ഷാ ഫീസ് നൽകേണ്ടതില്ല. ഓരോ തസ്തികയ്ക്ക് അപേക്ഷിക്കുന്നതിന് മുൻപും തന്റെ പ്രൊഫൈലിൽ ഉൾക്കൊള്ളിച്ചിരിക്കുന്ന വിവരങ്ങൾ ശരിയാണെന്ന് ഉദ്യോഗാർത്ഥി ഉറപ്പുവരുത്തേണ്ടതാണ്.