സമയം തീരുന്നു; ബാങ്ക് ഓഫ് മഹാരാഷ്ട്രയിൽ 350 സ്‌പെഷ്യലിസ്റ്റ് ഓഫീസർ; ഡിഗ്രിയാണ് യോഗ്യത; അപേക്ഷ സെപ്റ്റംബർ 30 വരെ
ബാങ്ക് ഓഫ് മഹാരാഷ്ട്ര സ്‌പെഷ്യലിസ്റ്റ് ഓഫീസർ റിക്രൂട്ട്‌മെന്റിന് വിജ്ഞാപനമിറക്കി. ഐടി, ട്രഷറി, ലീഗൽ, ക്രെഡിറ്റ്, റിസ്‌ക് മാനേജ്‌മെന്റ്, മാർക്കറ്റിങ് വിഭാഗങ്ങളിലായി 350 ഓഫീസർ ഒഴിവുകളാണുള്ളത്. ആകർഷകമായ ശമ്പളവും, മറ്റ് ആനുകൂല്യങ്ങളും ജോലിക്കാർക്ക് ലഭിക്കും. താൽപര്യമുള്ളവർക്ക് ബാങ്കിന്റെ ഔദ്യോഗിക വെബ്‌സൈറ്റ് സന്ദർശിച്ച് ഓൺലൈൻ അപേക്ഷ നൽകാം.
അവസാന തീയതി: സെപ്റ്റംബർ 30
തസ്തികയും ഒഴിവുകളും
ബാങ്ക് ഓഫ് മഹാരാഷ്ട്രയിൽ സ്‌പെഷ്യലിസ്റ്റ് ഓഫീസർ (SO) റിക്രൂട്ട്‌മെന്റ്. ആകെ ഒഴിവുകൾ 350.
ഇൻഫർമേഷൻ ടെക്‌നോളജി & ഡിജിറ്റൽ ബാങ്കിങ് = 110 ഒഴിവ്
ട്രഷറി/ ഇന്റർനാഷണൽ ബിസിനസ് = 35 ഒഴിവ്
ലീഗൽ, ഫിനാൻഷ്യൽ മാനേജ്‌മെന്റ് & അക്കൗണ്ട്‌സ് = 26 ഒഴിവ്
ക്രെഡിറ്റ് & ചാർട്ടേഡ് അക്കൗണ്ടന്റ് = 138 ഒഴിവ്
റിസ്‌ക് മാനേജ്‌മെന്റ് = 40 ഒഴിവ്
മാർക്കറ്റിങ് & പബ്ലിസിറ്റി = 1 ഒഴിവ്
പ്രായപരിധി
25 വയസ് മുതൽ 50 വയസ് വരെ പ്രായമുള്ളവർക്ക് അപേക്ഷിക്കാം. പ്രായം 2025 ആഗസ്റ്റ് 31 അടിസ്ഥാനമാക്കി കണക്കാക്കും. എസ്.സി, എസ്.ടി, ഒബിസി മറ്റ് വിഭാഗക്കാർക്ക് നിയമാനുസൃത ഇളവ് ലഭിക്കും.
യോഗ്യത
ഡിഗ്രി, ബിഇ/ ബിടെക് (കമ്പ്യൂട്ടർ സയൻസ്/ ഐടി/ ഇലക്ട്രോണിക്‌സ്), എംസിഎ, എംഎസ് സി (കമ്പ്യൂട്ടർ സയൻസ്), എംബിഎ/ പിജിഡിഎം (ഫിനാൻസ്), ചാർട്ടേഡ് അക്കൗണ്ടന്റ് എന്നിങ്ങനെയാണ് യോഗ്യത. വിശദമായ യോഗ്യത വിവരങ്ങൾ വെബ്‌സൈറ്റിൽ ലഭ്യമാണ്.
ശമ്പളം
സ്‌കെയിലിന് അനുസരിച്ചാണ് ശമ്പളം ലഭിക്കും. എങ്കിലും 64,820 മുതൽ ഒന്നര ലക്ഷത്തിനടുത്ത് വരെ ശമ്പളം ലഭിക്കാം.
തെരഞ്ഞെടുപ്പ്
അപേക്ഷകരുടെ എണ്ണം അനുസരിച്ച് ഓൺലൈൻ എക്‌സാം നടക്കും. ശേഷം ഇന്റർവ്യൂ നടത്തി മാർക്കിന്റെ അടിസ്ഥാനത്തിൽ നിയമനം നടത്തും.
അപേക്ഷിക്കേണ്ട വിധം
താൽപര്യമുള്ളവർ ബാങ്ക് ഓഫ് മഹാരാഷ്ട്രയുടെ ഔദ്യോഗിക വെബ്‌സൈറ്റ് സന്ദർശിച്ച് ഓൺലൈൻ അപേക്ഷ നൽകാം. വിശദമായ വിജ്ഞാപനം വെബ്‌സൈറ്റിൽ ലഭ്യമാണ്.
വെബ്‌സൈറ്റ്: https://bankofmaharashtra.in