കരസേനയിൽ 350 എൻജിനീയർ; എച്ച്.എ.എൽ എയർക്രാഫ്റ്റ് ഡിവിഷൻ അപ്രന്‍റീസ്; ഇ.എസ്.ഐ.സിയിൽ അസി. പ്രഫസർ; അറിയാം കേന്ദ്ര സർക്കാർ ജോലികൾ
.jpg)
എച്ച്.എ.എൽ എയർക്രാഫ്റ്റ് ഡിവിഷനിൽ 310 ഐ.ടി.ഐ ട്രേഡ് അപ്രന്റിസ്‌
ഹിന്ദുസ്‌ഥാൻ എയ്റോനോട്ടിക്സ് ലിമിറ്റഡിന്റെ നാസിക്കിലെ എയർക്രാഫ്റ്റ് ഡിവിഷനിൽ ഐ.ടി.ഐ ട്രേഡ് അപ്രൻറിസിൻ്റെ 310 ഒഴിവിലേക്ക് അപേക്ഷ ക്ഷണിച്ചു. ഒരു വർഷമാണു പരിശീലനം. സെപ്റ്റംബർ 2 വരെ ഓൺലൈനായി അപേക്ഷിക്കാം. വെബ്സൈറ്റ്: www.hal-india.co.in
ഐ.ടി.ഐ ട്രേഡ് അപ്രൻ്റിസ് : ഫിറ്റർ, ടൂൾ ആൻഡ് ഡൈ മേക്കർ, ടർണർ, മെഷിനിസ്റ്റ്, മെഷിനിസ്റ്റ് (ഗ്രൈൻഡർ),
ഇലക്ട്രിഷ്യൻ, ഇലക്ട്രോണിക്‌സ് മെക്കാനിക്, ഡ്രാഫ്റ്റ്സ്മ‌ാൻ (മെക്കാനിക്കൽ), മെക്കാനിക് (മോട്ടർ വെഹിക്കിൾ), റഫ്രിജറേഷൻ ആൻഡ് എ.സി മെക്കാനിക്, പെയിന്റർ (ജനറൽ), ഓപ്പറേറ്റർ അഡ്വാൻസ്ഡ് മെഷിൻ ടൂൾസ്, കാർപെന്റർ, ഷീറ്റ് മെറ്റൽ വർക്കർ, കംപ്യൂട്ടർ ഓപ്പറേറ്റർ ആൻഡ് പ്രോഗ്രാമിങ് അസിസ്‌റ്റൻ്റ്, വെൽഡർ (ഗ്യാസ് ആൻഡ് ഇലക്ട്രിക്), സ്റ്റെനോഗ്രഫർ (ഇംഗ്ലിഷ്), ഫുഡ് പ്രൊഡക്‌ഷൻ ജനറൽ : ബന്ധപ്പെട്ട ട്രേഡിൽ ഐ.ടി.ഐ ജയം: 7,700-8,050 രൂപ. ഡിഗ്രി, ഡിപ്ലോമ യോഗ്യതകൾ 2021-2025 വർഷങ്ങളിൽ നേടിയതാവണം.
കരസേനയിൽ 350 എൻജിനീയർ
കരസേനയുടെ 66-ാമത് ഷോർട്ട് സർവിസ് കമ്മിഷൻ (ടെക്) കോഴ്‌സ് പ്രവേശനത്തിന് അപേക്ഷിക്കാം. 2026 ഏപ്രിലിൽ തുടങ്ങുന്ന കോഴ്സിൽ 350 ഒഴിവുണ്ട്. അവിവാഹിതരായ പുരുഷൻമാർക്കാണ് അവസരം. ഓഗസ്‌റ്റ് 22 വരെ ഓൺലൈനായി അപേക്ഷിക്കാം. വെബ്സൈറ്റ്: www.joinindianarmy.nic.in. എൻജിനീയറിങ് വിഭാഗങ്ങളിലെ ഒഴിവുകൾ : മെക്കാനിക്കൽ (101 ), സിവിൽ (75), ഇലക്ട്രോണിക്‌സ് (64), കംപ്യൂട്ടർ സയൻസ് (60), ഇലക്ട്രിക്കൽ എൻജിനീയറിങ് സ്ട്രീംസ് (17).
യോഗ്യത: ബന്ധപ്പെട്ട വിഭാഗങ്ങളിൽ എൻജിനീയറിങ് ബിരുദം. നിബന്ധനകൾക്കു വിധേയമായി അവസാന വർഷ വിദ്യാർഥികൾക്കും അപേക്ഷിക്കാം.
ശാരീരിക യോഗ്യത: കരസേനാ വെബ്സൈറ്റിൽ നൽകിയ മാനദണ്ഡങ്ങളനുസരിച്ചു ശാരീരിക യോഗ്യത ഉണ്ടായിരിക്കണം.
പ്രായം: 2026 ഏപ്രിൽ ഒന്നിന് 20-27.
പരിശീലനം: ഓഫിസേഴ്‌സ് ട്രെയിനിങ് അക്കാദമിയിൽ 49 ആഴ്‌ച പരിശീലനം.
ഇതു വിജയകരമായി പൂർത്തിയാക്കുന്നവർക്കു പി.ജി ഡിപ്ലോമ ഇൻ ഡിഫൻസ് മാനേജ്‌മെന്റ്റ് ആൻഡ് സ്ട്രാറ്റജിക് സ്റ്റഡീസ് യോഗ്യത ലഭിക്കും. ലഫ്റ്റനൻ്റ് റാങ്കിലായിരിക്കും നിയമനം.
തിരഞ്ഞെടുപ്പ്: എസ്.എസ്.ബി ഇന്റർവ്യൂ, വൈദ്യപരിശോധന എന്നിവയുടെ അടിസ്ഥാനത്തിൽ. ഗ്രൂപ് ടെസ്റ്റ്, സൈക്കോളജിക്കൽ ടെസ്റ്റ് എന്നീ രണ്ടു ഘട്ടങ്ങളായുള്ള ഇന്റർവ്യൂ ബെംഗളുരു ഉൾപ്പെടെയുള്ള കേന്ദ്രങ്ങളിൽ നടത്തും.
ഇ.എസ്.ഐ.സിയിൽ 243 അസി. പ്രഫസർ
ന്യൂഡൽഹി ആസ്‌ഥാനമായ എംപ്ലോയീസ് സ്‌റ്റേറ്റ് ഇൻഷുറൻസ് കോർപറേഷൻ, അസിസ്‌റ്റന്റ് പ്രഫസറുടെ 243 ഒഴിവിൽ അപേക്ഷ ക്ഷണിച്ചു. ഇ.എസ്.ഐ.സിക്കു കീഴിലെ ഹോസ്പ‌ിറ്റലുകളിലും റിസർച് സെൻ്ററുകളിലുമായി നേരിട്ടുള്ള നിയമനം. സെപ്റ്റംബർ 15 വരെ അപേക്ഷിക്കാം. വെബ്സൈറ്റ് : www.esic.gov.in
ഒഴിവുള്ള വിഭാഗങ്ങൾ: അനാട്ടമി, അനസ്തീസിയോളജി, ബയോകെമിസ്ട്രി, കമ്യൂണിറ്റി മെഡിസിൻ, ഡെന്റിസ്ട്രി, ഡെർമറ്റോളജി, ഫൊറൻസിക് മെഡിസിൻ ആൻഡ് ടോക്‌സിക്കോളജി, ജനറൽ മെഡിസിൻ, ജനറൽ സർജറി, മൈക്രോബയോളജി, ഒ.ബി.ജി.വൈ, ഒഫ്താൽമോളജി (ഐ). ഓർത്തോപീഡിക്സ്,
ഓട്ടോറൈനോലാറിങ്കോളജി (ഇ.എൻ.ടി), പീഡിയാട്രിക്സ്, പതോളജി, ഫാർമക്കോളജി, ഫിസിയോളജി, സൈക്യാട്രി, റേഡിയോഡയഗ്നോസിസ് (റേഡിയോളജി), സ്‌റ്റാറ്റിസ്‌റ്റിഷ്യൻ. യോഗ്യത: എം.ഡി/എം.എസ്/ഡി.എൻ.ബി/എം.ഡി.എസ്.
പ്രായപരിധി: 40, ശമ്പളം: 67,700-2,08,700 രൂപ