കേന്ദ്ര സര്‍ക്കാര്‍ മിഥാനിയിലും, ഐടിഡിസിയിലും വമ്പന്‍ അവസരം; അസിസ്റ്റന്റ്, മാനേജര്‍, അക്കൗണ്ടന്റ്, വേറെയുമുണ്ട് ഒഴിവുകള്‍
ഹൈദരാബാദിലെ മിശ്ര ധാതു നിഗം ലിമിറ്റഡില്‍ വിവിധ ട്രേഡുകളിലായി അസിസ്റ്റന്റ് റിക്രൂട്ട്‌മെന്റ് നടക്കുന്നു. ആകെ 43 ഒഴിവുകളിലേക്ക് താല്‍ക്കാലിക റിക്രൂട്ട്‌മെന്റാണ് നടക്കുക. മേയ് 07 വരെ നടക്കുന്ന അഭിമുഖം മുഖേനയാണ് തിരഞ്ഞെടുപ്പ്.
Also read 450 ൽ പരം ഒഴിവുകളിലേക്ക് സൗജന്യ തൊഴിൽ മേള
ഒഴിവുകള്‍: ഫിറ്റര്‍, ഇലക്ട്രീഷ്യന്‍, ടര്‍ണര്‍, വെല്‍ഡര്‍
യോഗ്യത: പത്താം ക്ലാസ് വിജയിച്ചിരിക്കണം. അതോടൊപ്പം ബന്ധപ്പെട്ട ട്രേഡില്‍ ഐടി ഐ യോഗ്യതയും ഉണ്ടായിരിക്കണം. പുറമെ 3 വര്‍ഷത്തെ പ്രവൃത്തി പരിചയം വേണം.
പ്രായപരിധി: 33 വയസ് വരെ പ്രായമുള്ളവര്‍ക്ക് അപേക്ഷിക്കാം.
ഐടി ഐ യോഗ്യതയ്ക്ക് പുറമെ മെറ്റലര്‍ജിക്കല്‍/ മെക്കാനിക്കല്‍ വിഭാഗങ്ങളിലായി ഡിപ്ലോമ, ഡിഗ്രിക്കാര്‍ക്കും ഒഴിവുകളുണ്ട്. 38 വയസ് വരെ പ്രായമുള്ളവര്‍ക്ക് അപേക്ഷിക്കാനാവും. മെറ്റലര്‍ജിക്കല്‍/ മെക്കാനിക്കല്‍ എഞ്ചിനീയറിങ് ഡിപ്ലോമയും 3 വര്‍ഷത്തെ പരിചയവുമുണ്ടായിരിക്കണം.
കൂടുതല്‍ വിവരങ്ങള്‍ക്കും, അപേക്ഷ നല്‍കുന്നതിനുമായി www.midhaniindia.in സന്ദര്‍ശിക്കുക.
ഐടിഡിസിയില്‍ അവസരം
ഡല്‍ഹിയിലെ ഇന്ത്യ ടൂറിസം ഡെവലപ്‌മെന്റ് കോര്‍പ്പറേഷന്‍ ലിമിറ്റഡില്‍ വിവിധ തസ്തികകളിലായി 26 ഒഴിവുകളിലേക്ക് അപേക്ഷ ക്ഷണിച്ചു. ഐടിഡിസി നേരിട്ട് നടത്തുന്ന റിക്രൂട്ട്‌മെന്റാണിത്. ഏപ്രില്‍ 30ന് മുന്‍പായി ഓണ്‍ലൈന്‍ അപേക്ഷ നല്‍കണം.
ഒഴിവുകള്‍: ഡെപ്യൂട്ടി ജനറല്‍ മാനേജര്‍, മാനേജര്‍, അസിസ്റ്റന്റ് മാനേജര്‍, ഷെഫ്, അസിസ്റ്റന്റ് കമ്പനി സെക്രട്ടറി തസ്തികകളിലാണ് ഒഴിവുള്ളത്.
ഐടിഡിസിയുടെ അശോക് ട്രാവല്‍സ് ആന്റ് ടൂര്‍സ് ഡിവിഷനില്‍ ജൂനിയര്‍ അസിസ്റ്റന്റ് (അക്കൗണ്ട്‌സ്), കൗണ്ടര്‍ അസിസ്റ്റന്റ് തസ്തികകളില്‍ 8 ഒഴിവുകളുമുണ്ട്. ഏപ്രില്‍ 30ന് മുന്‍പായി അപേക്ഷ നല്‍കണം. വിശദവിവരങ്ങള്‍ക്ക്: www.itdc.co.in സന്ദര്‍ശിക്കുക.