മില്‍മയില്‍ ടെക്‌നീഷ്യന്‍: 24,000 രൂപ ശമ്പളം; ഇന്റര്‍വ്യൂ മാര്‍ച്ച് 15ന്
മില്‍മക്ക് കീഴില്‍ തിരുവനന്തപുരത്ത് ടെക്‌നീഷ്യന്‍ ഗ്രേഡ് 2 റിക്രൂട്ട്‌മെന്റ്. ബോയിലര്‍, ഇലക്ട്രീഷ്യന്‍ ഡിപ്പാര്‍ട്ട്‌മെന്റുകളിലേക്കാണ് നിയമനം നടക്കുന്നത്. യോഗ്യരായ ഉദ്യോഗാര്‍ഥികള്‍ മാര്‍ച്ച് 14ന് നടക്കുന്ന അഭിമുഖത്തില്‍ നേരിട്ടെത്തി പങ്കെടുക്കുക.
തസ്തിക & ഒഴിവ്
മില്‍മ- തിരുവനന്തപുരം ഡയറിയിലേക്ക് ടെക്‌നീഷ്യന്‍ ഗ്രേഡ് 2 റിക്രൂട്ട്‌മെന്റ്. ടെക്‌നീഷ്യന്‍ ഗ്രേഡ് 2 (ഇലക്ട്രീഷ്യന്‍), ടെക്‌നീഷ്യന്‍ ഗ്രേഡ് 2 (ബോയിലര്‍) നിയമനം. കരാര്‍ അടിസ്ഥാനത്തില്‍ 1 വര്‍ഷത്തേക്ക് താല്‍ക്കാലിക നിയമനമാണ് നടക്കുക. ഇത് മൂന്ന് വര്‍ഷം വരെ നീട്ടാനും സാധ്യതയുണ്ട്.
ടെക്‌നീഷ്യന്‍ ഗ്രേഡ് 2 (ഇലക്ട്രീഷ്യന്‍) = 02
ടെക്‌നീഷ്യന്‍ ഗ്രേഡ് 2 (ബോയിലര്‍) = 01
ഇന്റര്‍വ്യൂ സ്ഥലം: തിരുവനന്തപുരം ഡയറി, അമ്പലത്തറി
ശമ്പളം
തെരഞ്ഞെടുക്കപ്പെടുന്നവര്‍ക്ക് 24,000 രൂപ പ്രതിമാസ ശമ്പളം ലഭിക്കും.
പ്രായപരിധി
40 വയസ് വരെ പ്രായമുള്ളവര്‍ക്ക് അപേക്ഷിക്കാം. പ്രായം 2025 ജനുവരി 1 അടിസ്ഥാനമാക്കി കണക്കാക്കും. സംവരണ വിഭാഗക്കാര്‍ക്ക് നിയമാനുസൃത വയസിളവ് ലഭിക്കും.
യോഗ്യത
ടെക്‌നീഷ്യന്‍ ഗ്രേഡ് 2 (ഇലക്ട്രീഷ്യന്‍)
ഐടി ഐ (ഇലക്ട്രീഷ്യന്‍ ട്രേഡില്‍) NCVT സര്‍ട്ടിഫിക്കറ്റ്. കേരള സര്‍ക്കാരിന് കീഴില്‍ വയര്‍മാന്‍ ലൈസന്‍സ് അനിവാര്യം. ബന്ധപ്പെട്ട മേഖലയില്‍ RIC വഴിയുള്ള ഒരു വര്‍ഷത്തെ അപ്രന്റീസ് സര്‍ട്ടിഫിക്കറ്റും, രണ്ട് വര്‍ഷത്തെ പരിചയവും വേണം.
ടെക്‌നീഷ്യന്‍ ഗ്രേഡ് 2 (ബോയിലര്‍)
ഫിറ്റര്‍ ട്രേഡില്‍ ഐടി ഐ സര്‍ട്ടിഫിക്കറ്റ്. ഫാക്ടറി & ബോയിലര്‍ ഡിപ്പാര്‍ട്ട്‌മെന്റില്‍ നിന്നുള്ള സെക്കന്റ് ക്ലാസ് ബോയിലര്‍ സര്‍ട്ടിഫിക്കറ്റ്. ബോയിലര്‍ അറ്റന്‍ഡന്റ് സര്‍ട്ടിഫിക്കറ്റ് അനിവാര്യം.
ബന്ധപ്പെട്ട ഫീല്‍ഡില്‍ RIC വഴി ഒരു വര്‍ഷത്തെ അപ്രന്റീസ് സര്‍ട്ടിഫിക്കറ്റ്. രണ്ട് വര്‍ഷത്തെ പരിചയം.
ഇന്റര്‍വ്യൂ
ടെക്‌നീഷ്യന്‍ ഗ്രേഡ് 2 (ഇലക്ട്രീഷ്യന്‍), ടെക്‌നീഷ്യന്‍ ഗ്രേഡ് 2 (ബോയിലര്‍) ജോലിക്കായുള്ള ഇന്റര്‍വ്യൂ മാര്‍ച്ച് 14ന് രാവിലെ 10 മണിക്ക് നടക്കും. താല്‍പര്യമുള്ള ഉദ്യോഗാര്‍ഥികള്‍ ബന്ധപ്പെട്ട സര്‍ട്ടിഫിക്കറ്റുകളും മറ്റ് രേഖകളുമായി തിരുവനന്തപുരം അമ്പലത്തറിയിലുള്ള, മില്‍മ ഡയറിയില്‍ എത്തിച്ചേരുക.
വിജ്ഞാപനം: click